Goierriko Hitza

AHTren kontra bertso saioa egingo dute gaur Zaldibiako akanpadan

Goierri ðð Arratsaldean, AHTren kontrako bizikleta martxa egingo dute Goierri eta Tolosaldean barrena.

a. apalategi

Atzo gauean eman zioten hasiera AHTren kontra Zaldibian egingo den akanpadari. Lehen ekitaldiaren ondoren, ekitaldiz betetako eguna izango da gaurkoa. Goizeko hamaiketan, prentsa tailerra egingo dute Zaldibiako kultur etxean.

Arratsaldean berriz, AHTren kontrako bizikleta martxa egingo dute. 15:30ean abiatuko dira Zaldibiatik, eta besteak beste, Itsasondo, Legorreta, Alegia, Tolosa eta Ordizian barrena ibiliko dira.

Eguna bukatzeko, bertso saioa izango da Zaldibiako plazan. Bertan, Aitor Sarriegi, Unai Muñoa, Uxue Alberdi eta Iñigo Mantzisidor Mantxi ariko dira kantuan, 20:30ean hasita. Gauean, Mara Euskal Kabareta ikuskizuna izango da, Zaldibiako antzokian.